ევროკომისიის პრეზიდენტის, ურსულა ფონ დერ ლაიენის განცხადებით, უკრაინაში რუსეთის ომის ფონზე, 2022 წელი, გარდამტეხი მომენტი გახდა მრავალი ქვეყნისთვის ევროკავშირისკენ მიმავალ გზაზე, მათ შორის საქართველოსთვის.

ფონ დერ ლაიენმა აღნიშნული განცხადება ისლანდიაში, რეიკიავიკის სამიტის დროს გააკეთა.

„რუსეთის ომის ფონზე, გასული წელი გარდამტეხი მომენტი გახდა მრავალი ქვეყნისთვის ევროკავშირისკენ მიმავალ გზაზე, დასავლეთ ბალკანეთიდან დაწყებული, უკრაინამდე, მოლდოვასა და საქართველომდე. მტკიცედ ვდგავართ ერთად, შესაბამისად, მე ვხედავ უფრო მჭიდრო თანამშრომლობისა და პარტნიორობის შესაძლებლობას ევროკავშირს, ევროსაბჭოსა და თითოეულ კანდიდატ ქვეყანას შორის, რათა ევროპული დემოკრატიის ამბის წერა გაგრძელდეს უკრაინასა და ნებისმიერ ქვეყანაში ჩვენს კონტინენტზე“, - აღნიშნა ევროკომისიის პრეზიდენტმა.