მნიშვნელოვანია, რომ ევროპის საბჭომ მშვიდობის უკრაინულ ფორმულას დაუჭირა მხარი. ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.
“არის ევროპის საბჭოს მნიშვნელოვანი გადაწყვეტილება: ისლანდიაში ჩატარებული სამიტის საბოლოო რეზოლუციაში დაფიქსირებულია მშვიდობის უკრაინული ფორმულის მხარდაჭერა. და ეს მნიშვნელოვანია, რომ ევროპა ასე კონსოლიდირებულია სამართლიანი სამშვიდობო გეგმისთვის” - განაცხადა ზელენსკიმ.
ზელენსკიმ მადლობა გადაუხადა ევროპის ლიდერებსა და ევროპის საბჭოს წევრ სახელმწიფოებს.
“ასეთი კონსოლიდაციის საფუძველზე შემდგომშიც შევზღუდავთ ტერორისტი სახელმწიფოს შესაძლებლობებს განაგრძოს ეს აგრესია და შემდგომშიც განვაგრძობთ სამართლიანობის დაბრუნების, ჩვენი მიწების გათავისუფლების, ჩვენი ხალხის გადარჩენის შესაძლებლობების გაზრდას,” - აღნიშნა უკრაინის პრეზიდენტმა.