სიმფეროპოლთან ახლოს მარცვლეულით დატვირთული ხუთი ვაგონი რელსებიდან გადავიდა, - ინფორმაციას რუსული მედია საგანგებო სიტუაციების სამსახურის წარმომადგენელზე დაყრდნობით ავრცელებს.
„ინციდენტი დილით, 7:45 საათზე მოხდა. მარცვლეულით დატვირთული ხუთი ვაგონი სადგურებს პოხტოვოესა და ჩისტენკოეს შორის მონაკვეთზე რელსებიდან გადავიდა. მიზეზები დგინდება“, - განაცხადა წყარომ რუსულ მედიასთან საუბარში.
მისივე განცხადებით, ინციდენტს მსხვერპლი არ მოჰყოლია. მომხდარის გამო, სიმფეროპოლსა და სევასტოპოლს შორის მონაკვეთზე მატარებლების მოძრაობა შეჩერებულია.