კერძო სამხედრო კომოანია “ვაგნერის” მფლობელის, ევგენი პრიგოჟინის განცხადებით, “ვაგნერის” დაქირავებულმა მებრძოლებმა ბახმუტი აიღეს. უკრაინის თავდაცვის მინისტრის მოადგილე ანა მალიარი და უკრაინის შეიარაღებული ძალების აღმოსავლეთის დაჯგუფების პრესსპიკერი, სერჰი ჩერევატი ინფორმაციას უარყოფენ.

“ბახმუტში მძიმე ბრძოლებია. ვითარება კრიტიკულია. ამავდროულად, ჩვენ სამხედროებს დაცვა “ლიტაკის” რაიონში უკავიათ.

ამ მომენტისთვის ჩვენი დამცველები ამ რაიონის გარკვეულ სამრეწველო და ინფრასტრუქტურულ ობიექტებსა და კერძო სექტორს აკონტროლებენ”, - განაცხადა მალიარმა.

ჩერევატი ასევე უარყოფს ბახმუტის მთლიანად დაკარგვას.

“ეს არ შეესაბამება რეალობას. ჩვენი ქვედანაყოფები ბახმუტში იბრძვიან”, - განაცხადა ჩერევატიმ.