რუსეთის ბელგოროდის ოლქში კონტრტერორისტული ოპერაციის რეჟიმი გააუქმეს. ინფორმაციას ამის შესახებ ოლქის გუბერნატორი ვიაჩესლავ გლადკოვი “ტელეგრამის” პირად არხზე ავრცელებს.

“მიღებულია გადაწყვეტილება ბელგოროდის ოლქში კონტრტერორისტული ოპერაციის რეჟიმის გაუქმების შესახებ”, - წერს გლადკოვი.

მან შესაბამის დოკუმენტზე ბმულიც გამოაქვეყნა.

ამავდროულად, სასაზღვრო რეგიონებში არსებულ ვითარებაზე და გასული მოსახლეობის საკუთარ სახლებში დაბრუნების შესახებ გლადკოვს კომენტარი არ გაუკეთებია.