რუსეთის სასამართლომ ამერიკელ ჟურნალისტ ევან გერშკოვიჩს წინასწარი პატიმრობის ვადა გაუხანგრძლივა, აშშ მის დაუყოვნებლივ გათავისუფლებას ითხოვს.

Wall Street Journal-ის ჟურნალისტის ევან გერშკოვიჩის წინასწარი პატიმრობა რუსეთის სასამართლომ სამი თვით გაახანგრძლივა.

მას წინასწარი პატიმრობას ვადა 29 მაისს გასდიოდა, თუმცა რუსეთის ფედერალური უსაფრთხოების სამსახურის მოთხოვნით, ვადა 30 აგვისტომდე გახანგრძლივდა.

თეთრი სახლის ეროვნული უსაფრთხოების სპიკერის ჯონ კირბის თქმით, აშშ მუშაობს, რათა დაკავებული ჟურნალისტი სახლში დააბრუნოს.

“იგი საერთოდ არ უნდა იყოს დაკავებული. ჟურნალიზმი დანაშაული არ არის. იგი დაუყოვნებლივ უნდა იქნას გათავისუფლებული”, - განაცხადა კირბიმ.

ცნობისთვის, გერშკოვიჩი 29 მარტს რუსეთის ქალაქ ეკატერინბურგში დააკავეს. რუსეთი მას ჯაშუშობაში სდებს ბრალს, რაც 20 წლამდე პატიმრობას ითვალისწინებს.