მოსკოვის ცენტრში, რუსეთის თავდაცვის სამინისტროს შენობაში ხანძარი გაჩნდა, - ინფორმაციას რუსული მედია საგანგებო სიტუაციების სამსახურზე დაყრდნობით ავრცელებს.

„ფრუნზენსკაიას სანაპიროზე მდებარე თავდაცვის სამინისტროს შენობაში, ერთ-ერთ აივანზე ხანძარი გაჩნდა“, - განაცხადა წყარომ მედიასთან საუბარში.

მისი თქმით, ადგილზე მობილიზებულია საგანგებო სიტუაციების სამსახურის წარმომადგენლები.

მანამდე, „ტელეგრამ“ არხმა "Осторожно, новости"-მ გაავრცელა ინფორმაცია, რომ რუსეთის თავდაცვის სამინისტროს შენობასთან კვამლი დაფიქსირდა და ჰაერში უცნაური მძაფრი სუნი დატრიალდა.