ბელარუსის პრეზიდენტის ალექსანდრე ლუკაშენკოს განცხადებით, ორმხრივი შეთანხმებების ფარგლებში უკვე დაწყებულია რუსული ბირთვული იარაღის ბელარუსში გადატანა.

ამის შესახებ ლუკაშენკომ ხუთშაბათს მოსკოვში უმაღლესი ევრაზიის ეკონომიკური ფორუმის მსვლელობისას განაცხადა, შესაბამისი ვიდეო კი, ბელარუსულმა მედიამ გამოაქვეყნა.

მან კომენტარი გააკეთა ბელარუსისა და რუსეთის თავდაცვის მინისტრების მიერ ბელარუსის ტერიტორიაზე რუსული ბირთვული იარაღის განლაგების შესახებ შეთანხმებაზე.

„უკვე მღებულია გადაწყვეტილება იმის განსავითარებლად, რაზეც ზეპირი შეთანხმება უკვე მღებულია. ჩვენ გვჭირდებოდა ადგილების მომზადება, საცავის და ასე შემდეგ. ეს ყველაფერი გავაკეთეთ, ასე რომ... დაიწყო ბირთვული იარაღის გადაადგილება", - დასძინა მან.

კითხვაზე, არის თუ არა რუსეთის ფედერაციის ბირთვული იარაღი ბელარუსში, ლუკაშენკომ უპასუხა: "შესაძლებელია, ჩავალ და ვნახავ".

ცნობისთვის, მოსკოვმა და მინსკმა ხელი მოაწერეს შეთანხმებას ბელარუსში ტაქტიკური ბირთვული იარაღის განლაგების შესახებ.