კარლოვსკის წყალსაცავის კაშხალზე სარაკეტო დარტყმის გამო, რამდენიმე სახლი დაიტბორა, მიმდინარეობს მოსახლეობის ევაკუაცია

დონეცკის ოლქში კარლოვსკის წყალსაცავის კაშხალზე რუსების მიერ განხორციელებული თავდასხმის გამო ადამიანების ევაკუაციადაიწყო, - ინფორმაციას უკრაინული მედია ავრცელებს.

მათივე ინფორმაციით, გალიცინოვკაში, ნაბერეჟნაიას ქუჩიდან 26 ადამიანი, მათ შორის 8 ბავშვია ევაკუირებული.

დონეცკის ოლქის სამხედრო ადმინისტრაციის ხელმძღვანელმა, პაველ კირილენკომ განაცხადა, რომ დასახლებაში 6 ოჯახი დაიტბორა, კრიტიკული ინფრასტრუქტურის დატბორვა კი არ დაფიქსირებულა. მისივე თქმით, ადგილზე მობილიზებულია სამაშველო და ოპერატიული სამსახურები და სიტუაციას სრულად აკონტროლებენ.

„25 მაისს, დაახლოებით 17:20 საათზე, რუსეთის საოკუპაციო ძალების მიერ განხორციელებული დაბომბვის შედეგად (წინასწარი ინფორმაციით, რაკეტებით) დაზიანდა კარლოვსკის წყალსაცავის კაშხალი, რის შედეგადაც მდინარე ვოლჩიაში მოხდა წყლის უკონტროლო ჩაშვება. მდინარეში წყლის დონემ მოიმატა და პოკროვსკის რაიონის ექვს დასახლებაში კერძო სახლების დატბორვის საშიშროებაა, სადაც, საერთო ჯამში, 981 ადამიანი ცხოვრობს“, - აღნიშნა კირილენკომ.

მისი თქმით, საგანგებო სიტუაციის შედეგების აღმოსაფხვრელად ოპერატიული შტაბი შეიქმნა. კირილენკომ განმარტა, რომ დაბომბვის შედეგების შესამსუბუქებლად ადგილზე შესაბამისი სამუშაოები გრძელდება და ამ დროისთვის სიტუაცია სრულად კონტროლდება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი