იაპონიის ქალაქ ნაგანოში მამაკაცმა ოთხი ადამიანი, ორი სამოქალაქო პირი და ორი პოლიციელი მოკლა.

მედიის ინფორმაციით, მამაკაცმა მოქალაქეები ცივი იარაღის გამოყენებით მოკლა, მის დასაკავებლად მისული ორი პოლიციელი კი - სანადირო თოფით.

თავდასხმაში ეჭვმიტანილი მამაკაცი დაკავებულია. ამ დროისთვის, თავდასხმის მოტივი უცნობია.

იაპონიაში ძალადობრივი დანაშაული იშვიათად ხდება. ქვეყანას მკვლელობის დაბალი მაჩვენებელი აქვს და იარაღთან დაკავშირებით მოქმედებს კანონი, რომელიც ყველაზე მკაცრია მსოფლიოში.