დამოუკიდებლობის დღესთან დაკავშირებით, მსოფლიოს სხვადასხვა ღირსშესანიშნაობა საქართველოს დროშის ფერებში განათდა
საქართველოს დამოუკიდებლობის დღესთან, 26 მაისთან დაკავშირებით, ვაშინგტონის ხიდი საქართველოს დროშის ფერებით განათდა.
ინფორმაციას საქართველოს საგარეო საქმეთა სამინისტრო ავრცელებს.
გარდა ამისა, საქართველოს საგარეო საქმეთა სამინისტროს და საზღვარგარეთ საქართველოს დიპლომატიური წარმომადგენლობების ჩართულობით, საქართველოს დამოუკიდებლობის დღე - 26 მაისი, მსოფლიოს მასშტაბით, სხვადასხვა სახის ღონისძიებით აღინიშნება. მათ შორის, კანადაში, ნიაგარას ჩანჩქერზე გამოჩნდება საქართველოს დროშის გამოსახულება.
ამასთან, საქართველოს ეროვნული სიმბოლოს ფერებში განათდება ლიეტუვას ცენტრალური ხიდები, ქალაქ კაუნასში ძველი მერიის შენობა „რატუშა“ და შადრევანი; ავსტრალიაში ავსტრალიის ეროვნული კარილიონის შენობა; არგენტინაში საკანონმდებლო ორგანოს შენობა; არაბთა გაერთიანებულ საამიროებში ADNOC-ის შენობა; საუდის არაბეთში ცნობილი შენობა - Kingdom Tower, თურქეთში კი ქალაქ იზმირის მთავარი სიმბოლო - საათის კოშკი; აზერბაიჯანში „ჰეიდარ ალიევის ცენტრი", კვიპროსში კი, ქალაქ ნიქოზიის ცენტრალური მოედანი; ბარსელონაში ქალაქის მთავარი შადრევანი; ქალაქ თესალონიკში კი - მერიის შენობა და ა.შ.
This is a modal window.
v-if="article.gallery" v-html="article.gallery"
