რუსეთის საგარეო საქმეთა სამინისტრომ, ჯეიკ სალივანის მიერ ყირიმზე გაკეთებული განცხადების გამო, ამერიკელი დიპლომატები დაიბარა

რუსეთის საგარეო საქმეთა სამინისტრომ ამერიკელი დიპლომატები დაიბარა, რათა გადასცენ პროტესტი ეროვნული უსაფრთხოების საკითხებში თეთრი სახლის მრჩევლის, ჯეიკ სალივანის განცხადებების გამო, რომელიც, მოსკოვის მტკიცებით უკრაინას ყირიმზე დარტყმების განხორციელებაში მხარდაჭერას უცხადებს.

„შეერთებული შტატების მტრულმა ქმედებებმა, რომელიც დიდი ხანია კონფლიქტის მხარეა, რუსეთ-ამერიკის ურთიერთობები ღრმა და სახიფათო კრიზისში ჩააგდო, რასაც არაპროგნოზირებადი შედეგები მოჰყვა. დროა, ვაშინგტონმა გაიგოს, რომ რუსეთის წინააღმდეგ აგრესიის ნებისმიერ ფორმას უძლიერესი წინააღმდეგობა შეხვდება“, - ნათქვამია სამინისტროს განცხადებაში.

ცნობისათვის, ჯეიკ სალივანმა CNN-თან ინტერვიუში განაცხადა, რომ აშშ-ს უკრაინისთვის შეზღუდვები არ დაუწესებია, განახორციელოს დარტყმა საკუთარ ტერიტორიაზე.

„დიახ. ჩვენ არ დაგვიწესებია შეზღუდვები უკრაინისთვის, რომ შეეძლოს დარტყმა განახორციელოს მის ტერიტორიაზე. რაც ჩვენ ვთქვით არის ის, რომ ჩვენ არ მივცემთ საშუალებას უკრაინას ამერიკული სისტემებით, დასავლური სისტემებით, თავს დაესხას რუსეთს. ჩვენ გვჯერა, რომ ყირიმი არის უკრაინა“, - განაცხადა ჯეიკ სალივანმა.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად