უკრაინელებმა, გასული დღე-ღამის განმავლობაში, რუსეთის 1 010 ჯარისკაცი, 10 ტანკი და 34 ერთეული საარტილერიო სისტემა გაანადგურეს, - ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

ამასთან, უკრაინაში შეჭრის დღიდან რუსების საერთო დანაკარგები მოიცავს: 213 770 ჯარისკაცს, 3 901 ტანკს, 7 600 ჯავშანტექნიკას, 3 702 ერთეულ საარტილერიო სისტემას, 314 საბრძოლო თვითმფრინავს და 299 ვერტმფრენს, 6 410 ავტომობილსა და საწვავის ავზს, 18 გემს/ნავს, 3 247 უპილოტო საფრენ აპარატს, 502 ერთეულ სპეცტექნიკას და 1 171 ფრთოსან რაკეტას.