აშშ-ის სახელმწიფო მდივანი ენტონი ბლინკენი ჩინეთს მომავალ კვირას ეწვევა. ამის შესახებ ინფორმაციას სააგენტო Associated Press ავრცელებს.

ცნობისთვის, თავდაპირველად ბლინკენის ვიზიტი თებერვალში იგეგმებოდა, მაგრამ საკუთარ ტერიტორიაზე ჩინური სათვალთვალო აეროსტატის აღმოჩენის შემდეგ ამერიკულმა მხარემ იგი გადადო.

სააგენტოს წყაროების ინფორმაციით, ბლინკენი ჩინეთში 18 ივნისს ჩავა და პეკინში ჩინელ მაღალჩინოსნებს შეხვდება, კერძოდ ჩინეთის საგარეო საქმეთა მინისტრს ცინ განს და, შესაძლოა, ჩინეთის პრეზიდენტს სი ძინპინს.

ცნობისთვის, ვიზიტის შესახებ სი ძინპინი და აშშ-ის პრეზიდენტი ჯო ბაიდენი გასულ წელს “დიდი ოცეულის” სამიტის ფარგლებში შეხვედრის დროს შეთანხმდნენ.