შავი ზღვის საერთაშორისო უნივერსიტეტმა კულტურის ფესტივალს უმასპინძლა
შავი ზღვის საერთაშორისო უნივერსიტეტმა (IBSU) რიგით მე-11 კულტურის ფესტივალს უმასპინძლა, რომლის ფარგლებში უნივერსიტეტის ქართველი და უცხოელი სტუდენტების კულტურული სტენდები იყო წარმოდგენილი.
IBSU-ცნობით, ნაციონალურ ტანისამოსში გამოწყობილმა სტუდენტებმა ტრადიციული ცეკვები და მუსიკალური ნომრები შეასრულეს, ასევე, სხვა სტუდენტებს ნაციონალური კერძები გააცნეს.
უნივერსიტეტის ინფორმაციით, ღონისძიებაზე სპეციალური საქველმოქმედო სტენდიც მოეწყო და სტუდენტების ხელნაკეთი ნივთების გამოფენა-გაყიდვიდან შემოსული თანხა ქველმოქმედებას მოხმარდება.
შავი ზღვის საერთაშორისო უნივერსიტეტის რექტორის, საფფეთ ბაირაქთუთანის განცხადებით, ღონისძიება ინტერნაციონალიზაციის განვითარებასა და კულტურული კავშირების გაცნობა-გაღრმავებას ისახავდა მიზნად.
„კულტურის ფესტივალი, როგორც ტრადიცია, წელს უკვე მეთერთმეტედ ტარდება. ჩვენ ძალიან ვამაყობთ მსგავსი ღონისძიებებით, რომელიც ძალიან მნიშვნელოვანია და ხელს უწყობს სტუდენტებს ერთმანეთის კულტურის უკეთ გაცნობაში. მომდევნო წლის რიგით მე-12 კულტურის ფესტივალი კიდევ უფრო მასშტაბური იქნება“, - განაცხადა რექტორმა.
v-if="article.gallery" v-html="article.gallery"
