Raytheon Technologies 2024 წლის ბოლომდე უკრაინისთვის Patriot-ის საჰაერო თავდაცვის სისტემის კიდევ 5 ბატარეის წარმოებას გეგმავს.

კომპანიის აღმასრულებელმა დირექტორმა, გრეგ ჰეისმა The Wall Street Journal-ს განუცხადა, რომ Raytheon Technologies წარმოებას წელიწადში Patriot-ის 12 ბატარეამდე გაზრდის.

აღსანიშნავია, რომ უკრაინას ამჟამად მხოლოდ ორი ასეთი ბატარეა აქვს, რომელიც ქვეყანას ნიდერლანდებმა და შეერთებულმა შტატებმა მიაწოდა. თითოეული მათგანი შედგება რვა გამშვებისა და სხვა საჭირო აღჭურვილობისგან.

ჰეისმა ხაზგასმით აღნიშნა, რომ Patriot-ის სარაკეტო სისტემები ეფექტურად მუშაობს და საჰაერო თავდაცვის სხვა სისტემებთან ერთად რუსული სამიზნეების თითქმის 90%-ის განადგურება შეძლო.