საფრანგეთის პრეზიდენტის, ემანუელ მაკრონის განცხადებით, უკრაინის დიდი ხნის ნანატრი კონტრშეტევა დაიწყო და საფრანგეთი უკრაინას დამატებით სამხედრო დახმარებას გაუგზავნის.

პოლონეთისა და გერმანიის ლიდერებთან, ე.წ. ვაიმარის სამკუთხედის ფარგლებში გამართული შეხვედრის შემდეგ მაკრონმა განაცხადა, რომ საფრანგეთი ყველაფერს აკეთებს უკრაინის დასახმარებლად.

“ჩვენ ყველაფერი გავაკეთეთ მის დასახმარებლად. გავააქტიურეთ საბრძოლო მასალის, იარაღისა და შეიარაღებული მანქანების მიწოდება”, - აღნიშნა მაკრონმა.

მისი თქმით, უკრაინის დახმარება უახლოეს დღეებსა და კვირებშიც გაგრძელდება.