შეერთებული შტატები და ნატო-ს მოკავშირეები გააგრძელებენ უკრაინისთვის გადაუდებელი შესაძლებლობების მიწოდებას, რომელიც მას სჭირდება რუსეთის აგრესიის წინააღმდეგ საბრძოლველად, - ამის შესახებ აშშ-ის თავდაცვის მინისტრმა, ლოიდ ოსტინმა ბრიუსელში, უკრაინის თავდაცვის საკონტაქტო ჯგუფის შეხვედრაზე განაცხადა.

„შეერთებული შტატები ამაყობს, რომ დგას 50-მდე კეთილი ნების ქვეყნის გვერდით, რათა უკრაინა ბრძოლის ველზე წარმატების მისაღწევად წვრთნითა და აღჭურვილობით უზრუნველყონ", - განაცხადა ოსტინმა და დასძინა, რომ მოკავშირეები გააგრძელებენ მხარი დაუჭირონ სუვერენიტეტის ღირებულებებს.

„კრემლის მანკიერი ომის განმავლობაში, უკრაინულმა ძალებმა გამოავლინეს გამორჩეული სიმამაცე და ოსტატობა. უკრაინის ბრძოლა მარათონია და არა სპრინტი“, - აღნიშნა ოსტინმა.

მისი თქმით, აშშ უკრაინას გრძელვადიან პერსპექტივაში დაუჭერს მხარს.

„არ შეცდეთ, ჩვენ უკრაინის გვერდით ვიდგებით გრძელვადიან პერსპექტივაში“, - განაცხადა ოსტინმა.