ოლექსი რეზნიკოვი “რამშტაინის” ფარგლებში “IT კოალიციის” შექმნას აანონსებს
უკრაინის თავდაცვის მინისტრი ოლექსი რეზნიკოვი “რამშტაინის” ფარგლებში “IT კოალიციის” შექმნას აანონსებს. ამის შესახებ იგი “ტვიტერის” პირად გვერდზე წერს.
“დღეს “რამშტაინის” ფორმატში უკრაინის თავდაცვის საკონტაქტო ჯგუფის სხდომაზე ჩემმა კოლეგებმა, ლუქსემბურგის თავდაცვის მინისტრმა ფრანსუა ბაუშმა და ესტონეთის თავდაცვის მინისტრმა ჰანო პევკურმა “რამშტაინის” ფორმატში “IT კოალიციის” შექმნის ჩემს იდეას დაუჭირეს მხარი. ისინი მზად არიან ამ ჯგუფის შექმნაში ლიდერების როლი აიღონ.
ასე რომ, უკრაინის გამარჯვების უზრუნველსაყოფად ჰორიზონტზე კიდევ ერთი კოალიცია ჩნდება. ეს აუცილებლად გადაიზრდება რამე საინტერესოში, ამიტომ ახალ ამბებს ადევნეთ თვალი!” - წერს რეზნიკოვი.
