უკრაინა და ნატო ვილნიუსის სამიტზე, ან მის შემდეგ, კომისიის სახით ოფიციალური შეხვედრების ამჟამინდელ ფორმატს საბჭოს ახალი ფორმატით ჩაანაცვლებენ, - ამის შესახებ უკრაინია თავდაცვის მინისტრმა, ოლექსი რეზნიკოვმა უკრაინა-ნატოს კომისიის სხდომის შემდეგ ჟურნალისტებს განუცხადა.

„დღეს ძალიან ეპოქალური მოვლენა მოხდა... დღეს, 2016 წლის შემდეგ პირველად, გაიმართა უკრაინა-ნატოს კომისიის სხდომა თავდაცვის მინისტრების დონეზე ყველა მინისტრის მონაწილეობით“, - განაცხადა რეზნიკოვმა.

აღსანიშნავია, რომ შეხვედრები ამ ფორმატში წინა წლებში უნგრეთის ვეტოს გამო არ ტარდებოდა.

უკრაინის თავდაცვის მინისტრი იმედოვნებს, რომ ვილნიუსის სამიტის შემდეგ თავდაცვის მინისტრების დონეზე შეხვედრები უკვე უკრაინა-ნატო-ს საბჭოს ფორმატში გაიმართება.

"უკრაინისა და ნატოს თავდაცვის მინისტრების მორიგი შეხვედრა, იმედი მაქვს, ვილნიუსიდან, ან ვილნიუსის შემდეგ, უკრაინა-ნატოს საბჭოს ფორმატში გაიმართება", - განაცხადა მინისტრმა.

მისი განმარტებით, საბჭოს ფორმატი გულისხმობს ურთიერთობების ახალ დონეს, ურთიერთქმედების უფრო მაღალ დონეს.