ესტონეთის დაზვერვა - უკრაინამ ომში დასავლური ტექნიკის 10%-ზე ნაკლები დაკარგა
ესტონეთის თავდაცვის ძალების სადაზვერვო ცენტრის ხელმძღვანელის, პოლკოვნიკ მარგო გროსბერგის განცხადებით, უკრაინამ მიმდინარე ბრძოლებში დასავლეთის ქვეყნების მიერ მოწოდებული აღჭურვილობის 10%-ზე ნაკლები დაკარგა. ინფორმაციას უკრაინული მედია ავრცელებს.
ამასთან, გროსბერგმა განაცხადა, რომ ეს მაჩვენებელი შეიძლება გაიზარდოს, რადგან აღჭურვილობის დაკარგვა ნებისმიერი შეტევის გარდაუვალი შედეგია.
ესტონეთის თავდაცვის ძალების სადაზვერვო ცენტრის ხელმძღვანელის განმარტებით, დასავლური ტექნიკა უკეთესად იცავს სამხედრო პერსონალს და მაშინაც კი, თუ ის მწყობრიდან გამოდის, ეკიპაჟი ხშირად ცოცხალი და სერიოზული დაზიანების გარეშე რჩება.
