უკრაინელებმა ოდესაში რუსების მიერ გაშვებული „კალიბრის“ ტიპის რაკეტები გაანადგურეს
უკრაინის საჰაერო თავდაცვის ძალებმა რუსების მიერ წუხელ ოდესის ოლქისკენ გაშვებული „კალიბრის“ ტიპის ოთხივე რაკეტა გაანადგურეს, - ინფორმაციას უკრაინული მედია ოდესის ოლქის სამხედრო ადმინისტრაციის ხელმძღვანელზე, სერჰი ბრაჩუკზე დაყრდნობით ავრცელებს.
„ოდესის ოლქი: ღამის სარაკეტო შეტევა შავი ზღვიდან. სამხედროები ადასტურებენ: ოთხივე „კალიბრი“ განადგურებულია. მადლობა საჰაერო თავდაცვის ძალებს“, - დაწერა ბრაჩუკმა „ტელეგრამზე“.
ცნობისათვის, წუხელ უკრაინის რამდენიმე ოლქში საჰაერო განგაში გამოცხადდა. ოდესაში აფეთქებების ხმები ისმოდა და საჰაერო თავდაცვა ამოქმედდა.
