Reuters - უკრაინა ევროკავშირში გაწევრიანებაზე მოლაპარაკებების დასაწყებად 7 პირობიდან 2-ს აკმაყოფილებს

ევროკავშირის ანგარიშში, რომელიც ამ კვირაში გასაჯაროვდება, აღნიშნულია, რომ უკრაინამ ევროკავშირში გაწევრიანების საკითხზე მოლაპარაკებების დასაწყებად შვიდიდან ორი პირობა შეასრულა, - ამის შესახებ ინფორმაციას Reuters-ი ორ წყაროზე დაყრდნობით ავრცელებს, რომლებიც, სააგენტოს ცნობით, ევროკავშირის მაღალჩინოსნები არიან.

Reuters-ი წერს, რომ ევროკავშირმა უკრაინას წევრობის კანდიდატის ოფიციალური სტატუსი ერთი წლის წინ მიანიჭა, მაგრამ ბლოკმა გაწევრიანების მოლაპარაკებების დასაწყებად ქვეყანას 7 პირობა დაუწესა - მათ შორის სასამართლო რეფორმა და კორუფციის შეზღუდვა.

Reuters-ის წყაროების ცნობით, უკრაინა ამ დროისთვის აკმაყოფილებს ორ კრიტერიუმს. ერთ-ერთმა ოფიციალურმა პირმა თქვა, რომ ეს ეხება სასამართლო რეფორმას და მედიის კანონს და დასძინა, რომ ანგარიშში ყურადღება გამახვილდა დადებით მხარეებზე.

"პროგრესი არის. ანგარიში ზომიერად დადებითი იქნება. საუბარია არა რეალობის შელამაზებაზე, არამედ პროგრესის აღიარებაზე, მაგალითად, იყო ცნობილი ანტიკორუფციული საქმეები“, - განაცხადა წყარომ სააგენტოსთან საუბარში.

მათივე ინფორმაციით, ანგარიშის თანახმად, იმ პირობებს შორის, რომლებიც უკრაინამ უნდა შეასრულოს, არის საკონსტიტუციო სასამართლოს რეფორმა, ძალოვანი უწყებების რეფორმა, ფულის გათეთრების წინააღმდეგ ბრძოლის ღონისძიებები, ოლიგარქების შეზღუდვისა და ეროვნული უმცირესობების უფლებების დაცვისკენ მიმართული კანონების მიღება.

„რეფორმების კუთხით, ჭიქა ნახევრად სავსე რომ ყოფილიყო, მაშინ ჩვენ ამ მომენტში არასდროს გამოვიყენებდით ნეგატიურ ტონს უკრაინის მიმართ. სასამართლო რეფორმებმა გარკვეული პროგრესი განიცადა, თუმცა ჯერ კიდევ არის ძირითადი ზომები, რომლებიც უნდა იქნას მიღებული. ყველაფერი არ არის დამაკმაყოფილებელი“, - განაცხადა სააგენტოსთან საუბარში მეორე წყარომ.

უკრაინული მედიის ცნობით, ევროკავშირში გაწევრიანების გზაზე უკრაინის მიერ მიღწეულ პროგრესთან დაკავშირებით შუალედური ანგარიში ოთხშაბათს გასაჯაროვდება, უფრო სრული ოფიციალური შეფასება კი ოქტომბერში გახდება ცნობილი.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 15.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე