ყველა ქვეყანას თავისი გზა აქვს ნატო-ში გაწევრიანებასთან დაკავშირებით. უკრაინას ნატო-ში გაწევრიანებისკენ საკუთარი გზა ექნება, - ამის შესახებ პენტაგონის პრესსპიკერის მოადგილემ, საბრინა სინგმა განაცხადა.

მისი თქმით, ამჟამად, პენტაგონი ორიენტირებულია იმაზე, რომ უკრაინას ჰქონდეს ის, რაც დღეს ბრძოლის ველზე სჭირდება.

„ნატო-ს აქვს ღია კარის პოლიტიკა გაწევრიანებასთან დაკავშირებით. რაზეც ჩვენ აქ, დეპარტამენტში ვართ ორიენტირებული, არის ის, რომ უკრაინას ჰქონდეს ის, რაც მას დღეს ბრძოლის ველზე სჭირდება. ჩვენ, რა თქმა უნდა, ერთგული ვართ მისი გრძელვადიანი ძალისხმევის მიმართ, მაგრამ ჩვენი ძალისხმევა ახლა ორიენტირებულია უსაფრთხოების პაკეტებზე, რომლებსაც ჩვენ ვაწვდით და იმაზე, თუ რისი მიწოდება შეგვიძლია მათთვის ბრძოლის ველზე და რა სჭირდებათ მათ დაუყოვნებლივ“, - აღნიშნა პენტაგონის წარმომადგენელმა.