ვოლოდიმირ ზელენსკი - უკრაინის აშენებით ვაშენებთ ერთზე მეტ ქვეყანას - ჩვენ ვაშენებთ მსოფლიოს

უკრაინის აშენებით ვაშენებთ ერთზე მეტ ქვეყანას: ჩვენ ვაშენებთ მსოფლიოს - იქნება ის მშვიდობიანი? სტაბილური? დემოკრატიული? ეს თითოეულ ჩვენგანზეა დამოკიდებული, - ამის შესახებ უკრაინის პრეზიდენტმა, ვოლოდიმირ ზელენსკიმ ლონდონში მიმდინარე „უკრაინის აღდგენის კონფერენციაზე“ ვიდეო ჩართვის დროს განაცხადა და დასძინა, რომ ომის ეკონომიკური შედეგები გავლენას ახდენს არა მხოლოდ უკრაინაზე, არამედ ყველაზე.

უკრაინის პრეზიდენტის თქმით, თავისუფლებამ უნდა გაიმარჯვოს ღირებულებების კომპრომისის გარეშე და მადლობა გადაუხადა იმ ქვეყნებს, რომლებიც უკრაინას ეხმარებიან.

„ჩვენ ვიცავთ უკრაინას და ამით ვიცავთ თავისუფლებას. როდესაც ჩვენ ავაშენებთ უკრაინას, ჩვენ ავაშენებთ თავისუფლებას. ქვეყანა, რეგიონი, კონტინენტი, მსოფლიო: ეს გლობალური ამოცანაა“, - აღნიშნა ზელენსკიმ.

მისი თქმით, უკრაინამ „მიაღწია წარმატებას ევროკავშირი ისეთი ერთიანი გაეხადა, როგორიც აქამდე არასდროს ყოფილა“.

ამასთან, ზელენსკიმ ხაზი გაუსვა, რომ უკრაინა უკვე არის ევროპის თავდაცვის მთავარი ნაწილი. „ჩვენ მხოლოდ მოკავშირეების გამბედაობას ველოდებით, რომ ეს რეალობა აღიარონ“, - აღნიშნა უკრაინის პრეზიდენტმა.

ცნობისათვის, „უკრაინის აღდგენის კონფერენცია“ დიდი ბრიტანეთის ორგანიზებით, 21-22 ივნისს იმართება.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა