პარიზის ცენტრში მძლავრი აფეთქებისა და ხანძრის შედეგად დაშავებულთა რაოდენობა გაიზარდა.

წინასწარი მონაცემებით, დაშავებულია 29 ადამიანი. ოთხი - კრიტიკულ მდგომარეობაშია.

სამაშველო სამსახურის ცნობით, კიდევ ორი ადამიანი შესაძლოა ნანგრევების ქვეშ იყოს მოყოლილი.

ინციდენტი პარიზის მე-5 ოლქში მოხდა. სავარაუდოდ, ბუნებრივი აირის აფეთქების შედეგად, შენობის ფასადი ჩამოინგრა. ახლომდებარე სახლების მცხოვრებლების ევაკუირება მოხდა.

„საფრანგეთის პროკურატურა აფეთქების ორ ვერსიას იძიებს - "უსაფრთხოების წესების დარღვევა" და "ცალკეული პირების გაუფრთხილებლობა", - აცხადებს პარიზის პროკურორი ლორ ბექიუო.