დიმიტრი ხუნდაძე - რუსეთისთვის სანქციების დაწესებას სთხოვენ საქართველოს, როდესაც 2008 წელს განცხადების იქით არც ერთი მხარდაჭერის აქტი არ განხორციელებულა ჩვენს მიმართ - პრაქტიკულად, ამხელა ქვეყანასთან ერთი-ერთზე დავრჩით

საქართველოს როცა ყველაზე მეტად სჭირდებოდა დაცვა და მას ნატო-ზე უთხრეს უარი, მივიღეთ 2008 წლის ომი - სხვათა შორის, ამ შეცდომის გაგრძელება იყო 2014 წლის ყირიმის ომი და ამ ორივე შეცდომის შედეგია ის, რაც ხდება დღეს უკრაინაში, - ამის შესახებ „ხალხის ძალის“ ერთ-ერთმა ლიდერმა, დიმიტრი ხუნდაძემ მედიასთან განაცხადა.

მისი თქმით, ევროპამ უკვე არაერთხელ დაუშვა შეცდომა საქართველოსთან მიმართებით.

ხუნდაძე იმედოვნებს, რომ ამ შეცდომას კიდევ ერთხელ აღარ გაიმეორებს და საქართველოს კუთვნილ როლს მისცემს.

„პოლიტიკური კეკლუცის დრო აღარ არის, საქართველო დგას გამოცდის წინაშე, მაგრამ ასევე გამოცდის წინაშე დგას ევროპაც. საქართველოს გაწევრიანებასთან დაკავშირებით ჩვენ გვახსოვს, არა ერთი, არამედ ორი შეცდომა, მაგრამ ასეთი ტიპის შეცდომა ერთიც ძალიან ბევრია, არათუ ორი. საქართველოს როცა ყველაზე მეტად სჭირდებოდა დაცვა და მას ნატო-ზე უთხრეს უარი, მივიღეთ 2008 წლის ომი. სხვათა შორის, ამ შეცდომის გაგრძელება იყო 2014 წლის ყირიმის ომი და ამ ორივე შეცდომის შედეგია ის, რაც ხდება დღეს უკრაინაში. როცა ჩვენ ყველაზე მეტად გვჭირდებოდა ევროკავშირში შესვლა, სწორედ მაშინ გვითხრეს უარი და ამითაც გაღრმავდა ქვეყანაში პოლარიზაცია.

რას ვგულისხმობ, როდესაც ვამბობ, რომ ევროპაც დგას გამოცდის წინაშე: ვფიქრობ, ფასადურია ის, თუ რომელი ქვეყანა რამდენ დავალებასა და რეკომენდაციას შეასრულებს, მთავარი აქ პოლიტიკური გადაწყვეტილებაა, მაგრამ ჩვენ შევხედავთ პროცესებს, რამდენად გაუძლებს ევროპა ამერიკისგან და ევროპის იმ ქვეყნებისაგან ზეწოლას საქართველოს გაწევრიანება-არგაწევრიანების თვალსაზრისით ზოგად პოლიტიკურ გადაწყვეტილებაზე. იმედი მაქვს, მეორედ აღარ დაუშვებს დასავლეთი ამ შეცდომას და საქართველოს თავის ღირსეულ, დამსახურებულ, კუთვნილ როლს მიანიჭებენ, რადგან მან ყველაფერი გააკეთა - თუ ომი იყო აუცილებელი, საქართველოს არც ეს აუცილებია თავიდან, როცა სხვა გზა არ რჩებოდა, მაგრამ ის მაშინ პრაქტიკულად მარტო იყო. ახლა სანქციების დაწესებას სთხოვენ საქართველოს და მაშინ განცხადების იქით არც ერთი მხარდაჭერის აქტი არ განხორციელებულა საქართველოს მიმართ. პრაქტიკულად, ამხელა ბუმბერაზ ქვეყანასთან ერთი-ერთზე დარჩა საქართველო“, - განაცხადა დიმიტრი ხუნდაძემ, რომლის კომენტარსაც „ხალხის ძალის“ პრესსამსახური ავრცელებს.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე