აშშ-ს ეროვნული გვარდიის სამხედრო მოსამსახურე ჯეკ ტეიშეირამ, რომელიც პენტაგონის საიდუმლო სამხედრო დოკუმენტების გასაჯაროების საქმეზეა ბრალდებული, პირველი სასამართლო სხდომის მსვლელობისას ბრალის აღიარებაზე უარი განაცხადა. ამის შესახებ CNN წერს.
21 წლის ჯეკ ტეიშეირას ბრალი რამდენიმე პუნქტით წაუყენეს, რომლებიც საიდუმლო სამხედრო ინფორმაციის განზრახ უკანონო შენახვასა და გადაცემას ეხება. გამოძიების მტკიცებით, სოციალურ ქსელ Discord-ში პენტაგონის საიდუმლო დოკუმენტები ზუსტად ჯეკ ტეიშეირამ გამოაქვეყნა.
დოკუმენტები აშშ-ს მოკავშირეებზე და მოწინააღმდეგეებზე დაწვრილებით სადაზვერვო მონაცემებს შეიცავდნენ, მათ შორის უკრაინაში ომის შესახებ.