ტელეკომპანია NBC-ის ცნობით, ატლანტიკის ოკეანეში გაუჩინარებულ წყალქვეშა ნავ „ტიტანზე“, რომელსაც ტურისტები „ტიტანიკის“ ჩაძირვის ადგილას გადაჰყავდა, ჟანგბადის მარაგი დღეს იწურება.

ამასთან, ზოგიერთი ექსპერტის აზრით, შესაძლოა, ეკიპაჟმა შეამცირა ჟანგბადის მოხმარება იმისთვის, რომ წყალქვეშ უფრო დიდი დრო გაძლოს.

სამაშველო ოპერაციის რაიონი გეომეტრიული პროგრესიით იზრდება და 14 ათას კვადრატულ მეტრს აღემატება. ოპერაციაში რამდენიმე ხომალდი და წყალქვეშა აპარატი იღებს მონაწილეობას.

ძირითადი აქცენტი იმ რაიონებზე გაკეთებული, სადაც ჰიდროლოკაციური მოწყობილობის დახმარებით აკუსტიკური ხმაური იყო დარეგისტრირებული. აშშ-ს სანაპირო დაცვის მონაცემებით, ხმაურის აღმოჩენის რაიონში ძებნამ „ნეგატიური შედეგი“ მოიტანა.

OceanGate Expeditions-ის კუთვნილ წყალქვეშა ნავში 5 მგზავრი იმყოფება, მათ შორის ბრიტანელი მილიარდერი ჰემიშ ჰარდინგი.

კომპანიის ყოფილი თანამშრომლის განცხადებით, ნავი უხარისხოდ და დარღვევებით არის აგებული.

წყალქვეშა აპარატის გაუჩინარების ორი ვერსია არსებობს: ან ტექნიკა გამოვიდა მწყობრიდან ან ის ჩაძირული გემის ნანგრევებშია მოყოლილი.