ევროპის საბჭოს საპარლამენტო ასამბლეა ოლიმპიადაზე რუსი და ბელარუსი სპორტსმენების სრულ არდაშვებას უჭერს მხარს. ამის შესახებ ევროპის საბჭოს საპარლამენტო ასამბლეის მიერ მიღებულ რეზოლუციაში წერია.

რეზოლუციის თანახმად, ევროპის საბჭოს საპარლამენტო ასამბლეა მსოფლიო ოლიმპიურ კომიტეტს მოუწოდებს, რომ 2024 წლის პარიზის ოლიმპიურ და პარაოლიმპიურ თამაშებზე რუსი და ბელარუსი სპორტსმენები ნეიტრალური დროშის ქვეშაც არ იქნან დაშვებული.

აღნიშნული რეზოლუცია 71 ხმით მიიღეს, 4 წინააღმდეგ წავიდა.

ასამბლეა თვლის, რომ დღევანდელ პირობებში რუსი და ბელარუსი სპორტსმენების ოლიმპიადაში მონაწილეობა წარმოუდგენელია, პროპაგანდის ინსტრუმენტად იქნება გამოყენებული და დე ფაქტო შეუძლებლად ხდის სხვა სპორტსმენების მონაწილეობას, მათ შორის უკრაინელების.

რეზოლუციის თანახმად, შესაბამისი მკაცრი აკრძალვის არარსებობა რუსეთის მოქალაქეებს დაარწმუნებს, რომ მსოფლიო მზად არის რუსეთთან კავშირები შეინარჩუნოს, უკრაინის წინააღმდეგ მისი სამხედრო აგრესიის მიუხედავად.