“რეპორტიორები საზღვრების გარეშე” საქართველოს პრეზიდენტის მიერ ნიკა გვარამიას შეწყალებას მიესალმება. ამის შესახებ ორგანიზაცია “ტვიტერის” პირად გვერდზე ავრცელებს განცხადებას.

“პრეზიდენტმა სალომე ზურაბიშვილმა ამ წამს შეიწყალა ოპოზიციური “მთავარი არხის” დირექტორი ნიკა გვარამია, რომელიც ციხეში 2022 წლის მაისიდან იმყოფება. “რეპორტიორები საზღვრების გარეშე” მიესალმება ამ გადაწყვეტილებას, რომელსაც საერთაშორისო საზოგადოება ელოდებოდა”, - წერია განცხადებაში.