უკრაინამ 51 დაღუპული ჯარისკაცის ცხედარი დაიბრუნა
უკრაინამ კიდევ 51 დაღუპული დამცველის ცხედარი დაიბრუნა, - ინფორმაციას უკრაინული მედია უგზო-უკვლოდ დაკარგულ პირთა საკითხების კომისარზე, ოლეგ კოტენკოზე დაყრდნობით ავრცელებს.
„განხორციელდა იმ სამხედრო მოსამსახურეების ცხედრების გადმოცემის პროცესი, რომლებმაც თავი უკრაინას შესწირეს. დღეს ახლობლებს 51 დამცველის ცხედარი დაუბრუნეს“, - წერს კოტენკო სოციალურ ქსელში.
მისი თქმით, დაღუპული სამხედროების ცხედრების სამშობლოში დაბრუნების პროცესი გრძელდება.
