საქართველოს ინტერესშია, შეამციროს პოლარიზაცია და აღმოფხვრას მის სასამართლო სისტემაში გავრცელებული უსამართლობა, - ასე ეხმაურება ევროპარლამენტარი, ვიოლა ფონ კრამონი „მთავარი არხის“ გენერალური დირექტორის ნიკა გვარამიას პატიმრობიდან გათავისუფლებას.

მისი თქმით, საქართველოს პრეზიდენტმა მიიღო ერთადერთი სწორი გადაწყვეტილება.

„საქართველოს პრეზიდენტმა, სალომე ზურაბიშვილმა მიიღო რთული, მაგრამ ერთადერთი სწორი გადაწყვეტილება ბატონი ნიკა გვარამიას შეწყალებით. საქართველოს ინტერესშია, შეამციროს პოლარიზაცია და აღმოფხვრას მის სასამართლო სისტემაში გავრცელებული უსამართლობა. ერთი ნაბიჯით მიუახლოვდა ევროკავშირის კანდიდატობას, დარჩა კიდევ რამდენიმე ნაბიჯი“, - წერს ევროპარლამენტარი.