რუსეთის საგარეო საქმეთა მინისტრის მოადგილემ მიხეილ გალუზინმა ჟენევის საერთაშორისო დისკუსიების თანათავმჯდომარეებთან ამიერკავკასიაში უსაფრთხოებისა და სტაბილურობის შესახებ დიალოგის ფორმატი განიხილა, როგორც საბოლოო მზადება შემდეგი რაუნდისთვის, რომელიც დაგეგმილია ივლისის შუა რიცხვებში. ამის შესახებ რუსული მედია იუწყება.

რუსეთის საგარეო საქმეთა სამინისტრომ აღნიშნა, რომ რუსულმა მხარემ კიდევ ერთხელ დაადასტურა თავისი პრინციპული პოზიცია ჟენევის ფორმატის ეგიდით მდგრადი მოლაპარაკებების პროცესის მხარდასაჭერად, რეგიონში სტაბილურობისა და უსაფრთხოების განმტკიცების მიზნით.

„პრაქტიკული თვალსაზრისით, ძირითადი ძალისხმევა მიმართული უნდა იყოს იურიდიულად სავალდებულო შეთანხმების დადებაზე, ერთის მხრივ, საქართველოსა და აფხაზეთსა და სამხრეთ ოსეთს შორის, მეორე მხრივ, ძალის გამოუყენებლობასა და დელიმიტაციაზე. ასევე ქართულ-აფხაზურ და საქართველო-სამხრეთ ოსეთის საზღვრებზე მათი შემდგომი დემარკაციით", - აღნიშნულია რუსეთის საგარეო უწყების განცხადებაში.