უკრაინის შეიარაღებულმა ძალებმა შეტევა აღმოსავლეთში რამდენიმე მიმართულებაზე დაიწყეს, - ამის შესახებ უკრაინის თავდაცვის მინისტრის მოადგილე ანა მალიარი „ტელეგრამის” პირად გვერდზე წერს.
„ჯარების აღმოსავლეთის დაჯგუფებამ დღეს ერთდროულად დაიწყო რამდენიმე მიმართულებაზე შეტევა. ორეხოვო-ვასილევკას, ბახმუტის, ბოგდანოვკის, იაგოდნოეს, კლეშჩეევკას, კუდრიუმივკას მიმართულებებზე. ყველა მიმართულებაზე არის წინსვლა”, - წერს მალიარი.
მისი თქმით, კუპიანსკის, ლიმანისა და მარიინკას მიმართულებებზე მტერი შეტევას ცდილობდა, მაგრამ წარმატებას ვერ მიაღწია.
მალიარმა ასევე აღნიშნა, რომ სამხრეთში ყველა მიმართულებაზე მძიმე ბრძოლები გრძელდება.