ლიეტუვაში ნატოს გენერალური მდივანი იენს სტოლტენბერგი გერმანელ და ლიეტუველ სამხედროებს შეხვდა, რომლებიც Griffin Storm-ის წვრთნებში იღებენ მონაწილეობას.

განცხადებას ამის შესახებ ალიანსის პრესსამსახური ავრცელებს.

შეხვედრის დროს ნატოს გენმდივანს ლიეტუვას პრეზიდენტი გიტანას ნაუსედა და გერმანიის თავდაცვის მინისტრი ბორის პისტორიუსი შეუერთდნენ.

Griffin Storm-ის წვრთნების მიზანს გერმანიის მეთაურობით ლიეტუვაში არსებული ნატოს საბრძოლო ჯგუფის ბრიგადის დონემდე სწრაფ გაძლიერებას წარმოადგენს.

"წვრთნებს მკაფიო სიგნალი აქვს: ნატო მზად არის ალიანსის ტერიტორიის თითოეული სანტიმეტრი დაიცვას. ჩვენ, ასევე, იმის დემონსტრირებას ვახდენთ, რომ საჭიროების შემთხვევაში სწრაფი გაძლიერება შეგვიძლია ", - განაცხადა იენს სტოლტენბერგმა.

ასევე ნატოს გენერალური მდივნის თქმით, ვილნიუსის სამიტზე ალიანსი ახალ რეგიონულ გეგმებს მიიღებს, „კონკრეტული ძალებითა და საშუალებებით, რომელიც ალიანსის კონკრეტული წევრებისთვის იქნება განკუთვნილი“.