რუსეთის პრეზიდენტის ვლადიმერ პუტინის განცხადებით, რუსული საზოგადოება კონსოლიდირებულია. ამის შესახებ მან მიმართვაში განაცხადა.

პუტინმა ისაუბრა „ვაგნერთან“ დაკავშირებით და აღნიშნა, რომ „ვაგნერელების" აბსოლუტური უმრავლესობა" რუსეთის პატრიოტები არიან.

„უკან დაბრუნებით მათ თავიდან აიცილეს შემდგომი სისხლისღვრა“, - დასძინა პუტინა.

ამასთან, რუსეთის პრეზიდენტმა აღნიშნა, რომ საფრთხის განეიტრალების ყველა საჭირო გადაწყვეტილება თავიდანვე იქნა მიღებული.

„სამოქალაქო სოლიდარობამ აჩვენა, რომ ნებისმიერი შანტაჟი და შიდა ამბოხის მოწყობის მცდელობა მარცხით დასრულდება“, - განაცხადა მან და დასძინა: „ამბოხება მაინც ჩახშობილი იქნებოდა და ორგანიზატორები მიხვდნენ, რომ მათი ქმედებები კრიმინალური იყო“.

ასევე, პუტინმა მადლობა გადაუხადა ბელარუსის პრეზიდენტს ალექსანდრე ლუკაშენკოს გაწეული ძალისხმევისთვის სიტუაციის მშვიდობიანად გადაწყვეტისთვის, მაგრამ განმარტა, რომ საზოგადოების ერთიანობამ ითამაშა გადამწყვეტი როლი.