ყირიმში რკინიგზა ააფეთქეს
ყირიმის კიროვის რაიონში რკინიგზის შტო ააფეთქეს, - ინფორმაციას „ყირიმის პარტიზანებზე“ დაყრდნობით „უკრინფორმი“ ავრცელებს.
„დროებით ოკუპირებულ ყირიმში პატრიოტებმა ლიანდაგი დააზიანეს და ამით ოკუპანტების ლოგისტიკა დაარღვიეს”, - ნათქვამია გავრცელებულ ინფორმაციაში.
მომხდარს რუსული მხარეც ადასტურებს.
„შემთხვევის დროს არავინ დაშავდა. მიმდინარეობს სარემონტო სამუშაოები, რომლებიც 4-დან 8 საათამდე გასტანს“, - აცხადებს ოკუპირებული რესპუბლიკის მეთაური სერგეი აქსიონოვი.
