CNN-ის მიერ მოპოვებულ ჩანაწერში აშშ-ს ექს-პრეზიდენტი პენტაგონის დოკუმენტზე მსჯელობს
CNN-ის მიერ მოპოვებული აუდიოჩანაწერი ექს-პრეზიდენტის დონალდ ტრამპის საუბრის ახალ დეტალებს შეიცავს საიდუმლო ინფორმაციასთან არასათანადოდ მოპყრობის შესახებ, რაც ბრალდების მხარისთვის მნიშვნელოვან მტკიცებულებას წარმოადგენს. ამის შესახებ ინფორმაციას CNN ავრცელებს.
მათივე ცნობით, საუბარში დონალდ ტრამპი თითქოს მიუთითებს იმაზე, რომ მის ხელთ არის პენტაგონის დოკუმენტი, რომელიც ირანზე თავდასხმასთან არის დაკავშირებული.
გავრცელებული ინფორმაციით, საუბრიდან ირკვევა, რომ აშშ-ს ექს-პრეზიდენტი აცნობიერებდა საიდუმლო დოკუმენტაციის გამჟღავნების სათანადო პროცედურებს.
