გერმანული იარაღის მწარმოებელი კომპანია Rheinmetall-ი უკრაინას, ნიდერლანდების სახელით, Leopard 2A4 ტიპის 14 ტანკს მიაწვდის, შესაბამისი შეთანხმება გერმანიის ფედერალურ მთავრობასთან უკვე მიღწეულია, - ინფორმაციას Tagesschau ავრცელებს.
გამოცემის ცნობით, უკრაინას პირველი ტანკი 2024 წლის იანვარში უნდა მიეწოდოს. დანარჩენის გაგზავნა კი 2024 წლის განმავლობაში იგეგმება.
უკრაინულმა მედიამ რამდენიმე დღის წინ გაავრცელა ინფორმაცია, რომ ქვეყანა Leopard 2-ის დამატებით ტანკებს მიიღებს. მათივე ინფორმაციით, Rheinmetall-ის მიერ განსახორციელებელ მიწოდებას დანია და ნიდერლანდები დააფინანსებენ და რომ ქვეყნები ტანკებს დაზიანებული აღჭურვილობის შესაცვლელად შეიძენენ.