საფრანგეთში, პოლიციელის მიერ მოკლული 17-წლის ახალგაზრდის მიმართ სოლიდარობის ნიშნად მიმდინარე საპროტესტო აქციების დროს სამართალდამცავებსა და დემონსტრანტებს შორის მომხდარი შეტაკებების შედეგად წუხელ 249 სამართალდამცავი დაშავდა, - ამის შესახებ ქვეყნის შინაგან საქმეთა სამინისტრო იუწყება.

ამასთან, საფრანგეთის შინაგან საქმეთა მინისტრის, ჟერალდ დარმანინის განცხადებით, 3-დღიანი საპროტესტო აქციების განმავლობაში სულ მცირე 667 ადამიანი დააკავეს.

ფრანგული მედიის ინფორმაციით, პრეზიდენტი ემანუელ მაკრონი მთავრობის მორიგი საგანგებო სხდომის გამართვას აპირებს.