უკრაინულმა კონტრშეტევამ გარკვეულ პროგრესს მიაღწია, აშშ დახმარების გაწევას გააგრძელებს. ამის შესახებ თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში, ჯონ კირბიმ განაცხადა.

მისი თქმით, კონტრიერიშის შესახებ აშშ-სა და უკრაინას მუდმივი კავშირი აქვთ.

“საქმის კურსში გვამყოფებენ, და ყველაფერი შესაძლებლის კეთებას ვაგრძელებთ, რათა კონტრშეტევაში დავეხმაროთ, იქნება ეს წვრთნებით - და როგორც იცით, ისინი ჯერ კიდევ გადიან ბრიგადების დონეზე წვრთნას - თუ დამატებითი შესაძლებლობებით და, რა თქმა უნდა, რჩევებითა და ინფორმაციით”, - განაცხადა კირბიმ.

მან აღნიშნა, რომ კონტრშეტევის მიმართულებისა და ტემპის შესახებ გადაწყვეტილებას უკრაინული მხარე იღებს.

“[უკრაინელებმა] გარკვეულ პროგრესს მიაღწიეს. და ისინი თავად ამბობდნენ იმის შესახებ, რომ ის ისეთი მნიშვნელოვანი არ არის, როგორიც მათ უნდოდათ, მაგრამ, კიდევ ერთხელ, იმაზე ვართ კონცენტრირებული, რათა დავრწმუნდეთ, რომ საჭირო ყველაფერი აქვთ, და ამის კეთებას გავაგრძელებთ”, - განაცხადა კირბიმ.