აშშ-ის მერილენდის შტატის ქალაქ ბალტიმორში წვეულებაზე მასობრივი სროლის შედეგად ორი ადამიანი დაიღუპა და 28 დაშავდა, - ინფორმაციას CNN-ი ავრცელებს.

ტელეკომპანიის ცნობით, სამი დაშავებულის მდგომარეობა მძიმეა.

ბალტიმორის პოლიციის კომისრის მოვალეობის შემსრულებლის, რიჩარდ ვორლის თქმით, ეჭვმიტანილმა გაქცევა მოახერხა.

ამ დროისთვის უცნობია, რა იყო თავდასხმის მოტივი.

ბალტიმორის მერმა ბრენდონ სკოტმა მომხდარს "უგუნური, მხდალი ქმედება უწოდა. მან დამნაშავეს შემდეგი სიტყვებით მიმართა: „არ გავჩერდებით, სანამ არ გიპოვით - და ჩვენ გიპოვით“.