რუსულმა ძალებმა სუმის ოლქს ირანული წარმოშობის Shahed 136 ტიპის 4 დრონით დაარტყეს, წინასწარი ინფორმაციით, დაიღუპა ერთი და დაშავდა 16 ადამიანი, - ინფორმაციას უკრაინული მედია სუმის საოლქო-სამხედრო ადმინისტრაციაზე დაყრდნობით ავრცელებს.

„სუმის ოლქის ქალაქ სუმის ცენტრზე Shahed 136 ტიპის დრონებით 4 დარტყმა დაფიქსირდა“, - აცხადებენ სუმის საოლქო-სამხედრო ადმინისტრაციაში.

მათი ინფორმაციით, დარტყმის შედეგად დაზიანდა ადმინისტრაციული შენობა და 2 მრავალბინიანი საცხოვრებელი კორპუსი.