მედიის ინფორმაციით, საფრანგეთში საპროტესტო ტალღა მცირდება.

როგორც დასავლური მედია წერს, საპროტესტო მღელვარების შემცირების ფონზე საფრანგეთის პრეზიდენტი ემანუელ მაკრონი ქვეყნის პარლამენტის ორივე პალატის ლიდერებთან შეხვედრას გეგმავს.

ფრანგული მედიის ცნობით, გასული დღე-ღამის განმავლობაში, ქვეყნის მასშტაბით საფრანგეთის ჟანდარმერიამ 49 პირი დააკავა, რაც გაცილებით ნაკლებია წინა დღეების მონაცემებთან შედარებით (719 - შაბათს და 1300 - პარასკევს).

ასევე, ემანუელ მაკრონი პროტესტების დროს დაზარალებული ქალაქების მერებთან შეხვედრასაც გეგმავს.

მანამდე შექმნილი ვითარების გამო, მაკრონმა გერმანიაში ოფიციალური ვიზიტი გააუქმა.