ევროპარლამენტარი მირიამ ლექსმანი მიხეილ სააკაშვილის სასამართლო პროცესის კადრების გამოქვეყნების შემდეგ საქართველოს პრემიერ-მინისტრს აკრიტიკებს და აცხადებს, რომ მისთვის ადამიანური ღირსების დაცვა არაფერს ნიშნავს.

"საშინელებაა საქართველოს ექს-პრეზიდენტის ამ ფოტოების ნახვა. პრემიერ ღარიბაშვილი დაკავებულია საკუთარი თავის ქრისტიანული ფასეულობების დამცველად წარმოჩენით, თუმცა ადამიანური ღირსების დაცვა მისთვის, ცხადია, არაფერს ნიშნავს“, - წერს ევროპარლამენტარი „ტვიტერზე“.

მისი თქმით, სააკაშვილს საზღვარგარეთ მკურნალობის საშუალება უნდა მიეცეს.

მიხეილ სააკაშვილის სასამართლო პროცესიდან გავრცელებულ კადრებს ეხმაურება ევროპარლამენტარი ანა ფოტიგაც : „შემაძრწუნებელი“ - წერს ის „ტვიტერზე“.