ჯენინის გუბერნატორის მოადგილე - სახლი 3 ათასმა პალესტინელმა დატოვა
პალესტინის ოფიციალური პირების განცხადებით, ისრაელის უმსხვილესი სამხედრო ოპერაციის შემდეგ ჯენინში საკუთარი სახლი 3 ათასმა პალესტინელმა დატოვა.
აღნიშნულ რაოდენობას პალესტინის წითელი ნახევარმთვარის სამაშველო სამსახურიც ადასტურებს.
„ამ დროისთვის ბანაკი დაახლოებით, 3000 ადამიანმა დატოვა. ახლა მიიღება შესაბამისი ზომები ამ ადამიანების სკოლებში და სხვა თავშესაფრებში განთავსებისთვის“, - განაცხადა ჯენინის გუბერნატორის მოადგილემ ქამალ აბუ ალ-რუბმა.
