ოკუპირებულ აფხაზეთში რუსეთის ეკონომიკის მინისტრი ჩავიდა

ოკუპირებულ აფხაზეთში რუსეთის ეკონომიკური განვითარების მინისტრი მაქსიმ რეშეტნიკოვი ერთდღიანი ვიზიტით იმყოფება, რომელიც დე ფაქტო რესპუბლიკის „პრეზიდენტმა“ ასლან ბჟანიამ მიიღო.

შეხვედრაზე აფხაზეთის სოციალურ-ეკონომიკური განვითარების ხელშეწყობის საინვესტიციო პროგრამის განხორციელება განიხილეს.

როგორც მედია წერს, რეშეტნიკოვმა რუსეთის ფედერაციის საინვესტიციო პროგრამის ფარგლებში აღდგენილი არაერთი ობიექტი დაათვალიერა.

მოსანახულებელი ობიექტების სიაში იყო მოსკოვი-რეზორტის და ბინების კომპლექსის მშენებლობა ბიჭვინთაში.

„შეგახსენებთ, რომ შარშან მილიონზე მეტმა რუსმა დაისვენა აქ, ვფიქრობ, წლევანდელი მაჩვენებლებიც იგივე იქნება, ამიტომ უაღრესად მნიშვნელოვანია, რომ აქ იყოს სტაბილური ენერგომომარაგება, იყოს ნორმალური გამწმენდი საშუალებები. ძალიან მნიშვნელოვანია, რომ მყარ ნარჩენებთან დაკავშირებული ობიექტები ნორმალურად მუშაობდნენ. ეს არის ღონისძიებების ერთობლიობა, რომელსაც რესპუბლიკა ახორციელებს და აშენებს ფედერალური ბიუჯეტის მხარდაჭერით“, - განაცხადა რეშეტნიკოვმა.

რუსმა მინისტრმა აღნიშნა, რომ აფხაზეთში რთული რეფორმები მიმდინარეობს და რესპუბლიკა ყველა ვალდებულებას ასრულებს.

მან დასძინა, რომ არის დიდი ელექტროსადგურები, რომლებიც აუცილებელია დედაქალაქის აეროპორტის ფუნქციონირებისთვის და საჭიროებს დამატებით ინვესტიციებს.

„ჩვენ განვიხილეთ, თუ როგორ და რა პირობებშია მისაღები რესპუბლიკისთვის ინვესტორების შესვლა. მნიშვნელოვანია, რომ ეს ყველაფერი მუშაობს რესპუბლიკის განვითარებისთვის“ , - განმარტა მან.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა