დიმიტრი პესკოვი - ზაპოროჟიეს ატომურ ელექტროსადგურთან დაკავშირებული ვითარება დაძაბულია, კიევის რეჟიმის მხრიდან დივერსიის დიდი საფრთხე არსებობს

ზაპოროჟიეს ატომურ ელექტროსადგურთან დაკავშირებული ვითარება დაძაბულია, არსებობს კიევის რეჟიმის მხრიდან დივერსიის განხორციელების საფრთხე, რომელიც შეიძლება, კატასტროფული იყოს, - ამის შესახებ რუსეთის ფედერაციის პრეზიდენტის პრესსპიკერმა, დიმიტრი პესკოვმა განაცხადა.

„სიტუაცია საკმაოდ დაძაბულია, რადგან, მართლაც, არსებობს კიევის რეჟიმის მხრიდან დივერსიის დიდი საფრთხე. დივერსიის, რომელიც შეიძლება, თავისი შედეგებით, კატასტროფული იყოს“, - აღნიშნა პესკოვმა.

მისი მტკიცებით, რუსეთის ხელისუფლება ყველა ზომას იღებს ასეთი საფრთხის თავიდან ასაცილებლად.

შეგახსენებთ, უკრაინის პრეზიდენტმა, ვოლოდიმირ ზელენსკიმ გუშინ განაცხადა, რომ სადაზვერვო მონაცემების თანახმად, რუსმა სამხედროებმა ზაპოროჟიეს ატომური ელექტროსადგურის რამდენიმე ენერგობლოკის სახურავზე ასაფეთქებლის მსგავსი ობიექტები განათავსეს. „შესაძლოა სადგურზე თავდასხმის სიმულაციისთვის, შესაძლოა, მათ აქვთ სხვა სცენარი. მაგრამ ნებისმიერ შემთხვევაში, მსოფლიო ხედავს - და შეუძლებელია არ დაინახოს - რომ ზაპოროჟიეს ატომური ელექტროსადგურისთვის საფრთხის ერთადერთი წყარო სწორედ რუსეთია“, - აღნიშნა ზელენსკიმ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო