რუსულმა ძალებმა წუხელ მიკოლაივი დაბომბეს, ქალაქში აფეთქებების ხმები ისმოდა, - ინფორმაციას უკრაინული მედია მიკოლაივის ოლქის სამხედრო ადმინისტრაციის ხელმძღვანელზე, ვიტალი კიმზე დაყრდნობით ავრცელებს.

მისი თქმით, ქალაქი, სავარაუდოდ, S -300 ტიპის საზენიტო სარაკეტო სისტემებიდან დაბომბეს.

გვიან ღამით უკრაინის შეიარაღებული ძალების საჰაერო ძალებმა განაცხადეს, რომ მიკოლაივისა და ხერსონის ოლქებში ბალისტიკური რაკეტების საფრთხე იყო, თუმცა, მოგვიანებით, საჰაერო განგაში გაუქმდა.

მიკოლაიზე განხორციელებული დარტყმის დეტალები, ჯერჯერობით, უცნობია.